Kindererziehung auf Bayrisch

Kindererziehung auf bayrisch

A bisserl a Herz und bisserl Verstand,
as richtige Wort, des ma find füranand,
a bisserl Geduld und a bisserl Humor,
a wachsames Aug und a ganz scharfes Ohr
für des wo´s im Leben okommt aa gwiß,
was heut scho und später wesentlich is.

Und net bloß as Später oiwei im Blick,
aa a Zeit grad für jetzt und s`heutige Glück,
auf`s Schöne und Guate a bisserl vertraun,
a bisserl a Hoffnung, a bisserl an Glauben,
auf den da drobn, auf Gott unsern Herrn,
na werd´s, wird ses sehn, bestimmt richtig werd`n.

Helmut Zöpfl